Alejandro Loayza Grisi | Bolivia | Uruguay | France | 2022 | 88’

Dyma ffilm nodwedd gyntaf Alejandro Loayza Grisi y cyfarwyddwr o Bolifia. Mae hon yn ddrama araf a hardd sydd wedi’i gosod yn uchel ar lwyfandir yr Andes. Yn ucheldiroedd cras Bolifia, mae Utama yn dilyn pâr Quechua oedrannus sydd wedi bod yn byw'r un drefn ddyddiol ers blynyddoedd. Pan mae sychder anghyffredin o faith yn bygwth eu holl ffordd o fyw, rhaid i Virginio a Sisa benderfynu a ydynt am aros a chynnal eu ffordd draddodiadol o fyw neu gyfaddef eu bod wedi'u trechu a symud i fyw gydag aelodau'r teulu yn y ddinas. Pan mae eu hŵyr yn cyrraedd gyda newyddion, mae'n amlygu eu sefyllfa drafferthus wrth iddyn nhw wynebu newid hinsawdd, gwerth traddodiad, ac ystyr bywyd. Mae’r ffilm nodwedd gyntaf syfrdanol hon gan y gwneuthurwr ffilmiau a’r cyn-ffotograffydd Alejandro Loayza Grisi wedi’i saethu gan y ffilmiwr gwobrwyedig Barbara Alvarez.

£7.70 (£5.90)